इजरायल निर्वाचन एक्जिट पोल: नेतन्याहू र आइसेनकोट दुवै पक्ष बहुमतबाट टाढा

इजरायलको संसद् (क्नेसेट) को निर्वाचन सम्पन्न भएको छ। निर्वाचनपछि सार्वजनिक भएका एक्जिट पोलअनुसार सरकार बनाउन कुनै पनि दल वा गठबन्धनले स्पष्ट बहुमत पाउने देखिँदैन।

एक्जिट पोलअनुसार आइसेनकोटको नेतृत्वमा रहेको विपक्षी समूहले ५१ देखि ५३ सिट पाउने अनुमान छ। प्रधानमन्त्री बेन्जामिन नेतन्याहूको नेतृत्वमा रहेको दक्षिणपन्थी गठबन्धनले ५० देखि ५१ सिट पाउने अनुमान गरिएको छ।

एक्जिट पोलले नेतन्याहूको गठबन्धन र विपक्षी दलहरूबीच कडा प्रतिस्पर्धा देखाएका छन्। कुनै पनि पक्षले स्पष्ट बहुमत नपाउने संकेत आएपछि नयाँ सरकार कसरी बन्छ भन्ने अन्योल देखिएको छ।

प्रारम्भिक एक्जिट पोलले नेतन्याहू सत्तामा टिकिरहन सक्ने/नसक्नेमा प्रश्न उठाएका छन्। तर निर्वाचनको अन्तिम परिणाम अझै आएको छैन।