संघीय संसद्को चालु अधिवेशन १६ असोजदेखि अन्त्य गर्न राष्ट्रपतिसमक्ष सिफारिस

संघीय संसद्को चालु अधिवेशन अन्त्य गर्न सरकारले राष्ट्रपति रामचन्द्र पौडेलसमक्ष सिफारिस गरेको छ।

मंगलबार बसेको मन्त्रिपरिषद्को बैठकले १६ असोज शुक्रबारदेखि अधिवेशन अन्त्य गर्ने गरी राष्ट्रपतिसमक्ष सिफारिस गर्ने निर्णय गरेको हो। १६ असोज अंग्रेजी तारिखअनुसार अक्टोबर २ पर्छ।

सरकारको सिफारिसअनुसार राष्ट्रपतिबाट अधिवेशन अन्त्यको घोषणा भएपछि प्रतिनिधिसभा र राष्ट्रियसभा दुवै सदनको चालु अधिवेशन समाप्त हुनेछ।

संविधानअनुसार मन्त्रिपरिषद्को सिफारिसमा राष्ट्रपतिले संसद्को अधिवेशन आह्वान तथा अन्त्य गर्ने व्यवस्था छ। अधिवेशन अन्त्यको सिफारिससँगै संसद्को चालु अधिवेशनका बैठकहरू अब शुक्रबारअघिसम्म मात्र बस्न सक्ने देखिएको छ।