२०औँ एसियाली खेलकुद सम्पन्न, नेपाल दुई कांस्य पदकमै सीमित

जापानमा आयोजित २०औँ एसियाली खेलकुद (एसियाड) आइतबार सम्पन्न भएको छ। जापानको आइची–नागोयास्थित पालोमा मिजुहो स्टेडियममा समापन समारोह भएको हो।

चार वर्षपछि कतारमा भेट्ने वाचासहित प्रतियोगिताको समापन गरिएको हो। आगामी एसियाली खेलकुद सन् २०३० मा कतारमा हुनेछ।

यस संस्करणमा नेपाल दुई कांस्य पदकमै सीमित भएको छ। झन्डै साढे दुई वर्ष गरिएको नियमित प्रशिक्षणले अपेक्षित परिणाम दिन नसकेको र नेपाली खेलाडीमा पर्याप्त म्याच एक्सपोजरको कमी देखिएको समाचारमा उल्लेख छ।