कात्तिक २७ गतेसम्म पहाड र हिमालमा हल्का वर्षा र हिमपात हुन सक्ने

नेपाल मौसम विज्ञान विभागले आगामी कात्तिक २७ गतेसम्मको मौसम पूर्वानुमान सार्वजनिक गरेको छ। विभागले सोमबार साँझ एउटा विशेष बुलेटिन निकालेको हो।

बुलेटिनमा पश्चिमी वायुको आंशिक प्रभावको उल्लेख छ। विभागका अनुसार कात्तिक २७ गतेसम्म देशका हिमाली र पहाडी भू-भागमा आंशिक बादल लाग्नेछ।

सोही अवधिमा हिमाली र पहाडी क्षेत्रका केही ठाउँमा हल्का वर्षा र हिमपात हुन सक्ने विभागले जनाएको छ।

तिहार चलिरहेका बेला सार्वजनिक भएको यो पूर्वानुमानले हिमाली र पहाडी क्षेत्रको मौसम कस्तो रहन्छ भन्ने जानकारी दिएको छ।