साल्ट ट्रेडिङका सुपथ मूल्य पसलमा दसैँका खाद्यवस्तुमा छुट

साल्ट ट्रेडिङ कर्पोरेसन लिमिटेडले चाडपर्वलाई लक्षित गरी सञ्चालन गरेका सुपथ मूल्य पसलमा उपभोक्ताले बजारभन्दा सस्तोमा खाद्यवस्तु किन्न पाएका छन्। कर्पोरेसनका प्रबन्धक प्रज्वलमान प्रधानका अनुसार सरकारको निर्देशनमा असोज १ गतेदेखि कात्तिक मसान्तसम्म यी पसल चल्नेछन्। चाडपर्वमा दैनिक उपभोग्य वस्तु सुलभ मूल्यमा पुर्‍याउन पसल खोलिएको उहाँले बताउनुभएको छ।

काठमाडौँ, ललितपुर, भक्तपुर, बनेपा, धुलिखेललगायत ठाउँमा करिब १३ वटा बिक्री केन्द्र छन्। देशभरका करिब २५ स्थानका कार्यालयबाट पनि सस्तो मूल्यमा सामान बिक्री भइरहेको छ। पसलमा चामल, दाल, तेल, चिनी, नुन, चिउरा, आँटा, मैदा र पिठोलगायत खाद्यान्न पाइन्छन्।

मरिच, मसला र चियापत्ती पनि यी पसलबाट किन्न सकिन्छ।