मतदाता नामावली अद्यावधिक: काभ्रेमा २ हजार ६०२ मतदाताको नाम हटाइयो

जिल्ला निर्वाचन कार्यालय काभ्रेपलाञ्चोकले मतदाता नामावली अद्यावधिक गरेको छ। अद्यावधिकका क्रममा जिल्लामा दुई हजार ६०२ मतदाताको नाम नामावलीबाट हटाइएको छ।

कार्यालयका अनुसार हटाइएकामध्ये एक हजार १९८ जना दोहोरो दर्ता भएका मतदाता छन्। मृत्यु भएका मतदाताको नाम पनि नामावलीबाट हटाइएको कार्यालयले जनाएको छ।

नाम हटाइएपछि काभ्रेमा करिब दुई हजार ६०० मतदाता घटेका हुन्।