मनाङको हिमलुङ हिमालमा हिमपहिरो, १० जना आरोही तथा सहयोगी सम्पर्कविहीन

मनाङको नार–फू क्षेत्रमा पर्ने ७ हजार १२६ मिटर अग्लो हिमलुङ हिमालमा हिमपहिरो जाँदा १० जना आरोही तथा सहयोगीहरू सम्पर्कविहीन भएका छन्।

एक्सपिडिसन अपरेटर्स एसोसिएसन नेपालले यसबारे जानकारी दिएको छ। हिमलुङ हिमालको आधार शिविरमा आइतबार बिहान ठूलो हिमपहिरो गएको हो।

लगातारको वर्षा र भारी हिमपातपछि गएको हिमपहिरोले आधार शिविरका टेन्टहरू पुरिएका छन्। कम्तीमा १० जना सम्पर्कविहीन भएको जनाइएको छ।

सम्पर्कविहीन भएकाहरूको अवस्थाबारे थप विवरण आउन बाँकी छ।