कांग्रेस महाधिवेशन : शंकर तिवारीद्वारा महामन्त्री पदमा उम्मेदवारी घोषणा

नेपाली कांग्रेसका युवा नेता शंकर तिवारीले पार्टीको १५औँ महाधिवेशनमा महामन्त्री पदमा उम्मेदवारी घोषणा गरेका छन्।

युवा विश्लेषकसमेत रहेका तिवारीले आइतबार बिहान काठमाडौंमा पत्रकार सम्मेलन गरेर महामन्त्रीको उम्मेदवार बन्ने घोषणा गरेका हुन्।

उनले कांग्रेसको रूपान्तरण र रक्षाका लागि आफ्नो उम्मेदवारी रहेको बताए। सभापति गगन थापालाई बलियो बनाउन र कांग्रेसको विचारलाई सशक्त बनाउन आफू उम्मेदवार बनेको उनको भनाइ छ।

कांग्रेसको १५औँ महाधिवेशन आइतबारदेखि काठमाडौंको खुलामञ्चमा सुरु हुँदैछ। महाधिवेशनलाई लक्षित गर्दै विभिन्न नेताहरूले पदाधिकारी तथा केन्द्रीय सदस्यका लागि उम्मेदवारी घोषणा गर्ने क्रम जारी छ।