विश्वकप लिग–२ : नेपाल क्यानडासँग २४ रनले पराजित, अर्जुन कुमालको पहिलो अर्धशतक

आईसीसी पुरुष क्रिकेट विश्वकप लिग–२ अन्तर्गत शनिबार भएको खेलमा नेपाल क्यानडासँग २४ रनले पराजित भएको छ। ओमानमा जारी प्रतियोगिताको यस खेलमा पहिले ब्याटिङ गरेको क्यानडाले नेपाललाई २५७ रनको लक्ष्य दिएको थियो।

क्यानडाले दिएको चुनौतीपूर्ण लक्ष्य पछ्याएको नेपाल खेलको अन्तिम चरणमा सम्हालिन सकेन र लक्ष्यभन्दा २४ रन टाढै रोकियो।

खेलमा नेपाली टोलीका ओपनर ब्याटर अर्जुन कुमालले अन्तर्राष्ट्रिय एकदिवसीय क्रिकेटमा आफ्नो पहिलो अर्धशतक बनाए। तर उनको अर्धशतकले पनि टोलीलाई जित दिलाउन सकेन।

यो पराजयसँगै विश्वकप लिग–२ मा नेपालले क्यानडाविरुद्धको यो खेलमा अंक गुमाएको छ।