पूर्वराष्ट्रपति भण्डारीद्वारा छोरी–ज्वाइँ र सर्वसाधारणलाई दसैँको टीका प्रदान

पूर्वराष्ट्रपति विद्यादेवी भण्डारीले विजया दशमीको दिन बुधबार आमा मिथिला पाण्डेबाट जमरा ग्रहण गरी आशीर्वाद लिएकी छन्।

यसैगरी, पूर्वराष्ट्रपति भण्डारीले छोरी–ज्वाइँलाई दसैँको टीका प्रदान गरेकी छन्। परिवारसँग दसैँ मनाएपछि उनले सर्वसाधारणलाई पनि टीका प्रदान गरेकी छन्।

पूर्वराष्ट्रपति भण्डारी नेकपा एमालेकी वरिष्ठ नेता हुन्। विजया दशमीको अवसरमा उनले परिवारका सदस्यसँगै सर्वसाधारणलाई पनि टीका लगाइदिएकी हुन्।

बडादसैँको मुख्य दिन विजया दशमीमा मान्यजनको हातबाट टीका, जमरा र आशीर्वाद ग्रहण गर्ने परम्परा छ। यसै परम्पराअनुसार पूर्वराष्ट्रपति भण्डारीले पनि आफ्नी आमाबाट जमरा र आशीर्वाद ग्रहण गरेकी तथा आफूभन्दा कान्छा परिवारका सदस्य र सर्वसाधारणलाई टीका प्रदान गरेकी हुन्।