एनपीएलका सबै खेललाई आईसीसीको मान्यता, लिस्ट ‘ए’ टी–२० को दर्जा

अन्तर्राष्ट्रिय क्रिकेट परिषद् (आईसीसी) ले सिद्धार्थ बैंक नेपाल प्रिमियर लिग (एसबीएल एनपीएल) का सबै खेललाई आधिकारिक मान्यता दिएको छ। यससँगै एनपीएलका सबै खेलले लिस्ट ‘ए’ टी–२० को आधिकारिक मान्यता पाएका छन्।

नेपाल क्रिकेट संघ (क्यान) ले प्रेस विज्ञप्ति जारी गरेर यसबारे जानकारी दिएको हो। क्यानका सचिव पारस खड्काले आईसीसीबाट यो मान्यता पाएको जानकारी दिएका छन्।

यो मान्यता क्यानको आयोजनामा हुने तेस्रो संस्करणको एनपीएलका सबै खेलमा लागू हुन्छ। सिद्धार्थ बैंक यो लिगको प्रायोजक हो।

क्यानले जारी गरेको विज्ञप्तिअनुसार आईसीसीले लिगका केही खेललाई मात्र होइन, सम्पूर्ण खेललाई लिस्ट ‘ए’ टी–२० का रूपमा मान्यता दिएको हो।