फुलकोर्ट बैठकमा प्रधानन्यायाधीश शर्माको नेतृत्वप्रति न्यायाधीशहरूको कडा आलोचना

सर्वोच्च अदालतमा सोमबार बसेको फुलकोर्ट बैठकमा अधिकांश न्यायाधीशले प्रधानन्यायाधीश मनोज शर्माको नेतृत्वप्रति गम्भीर चिन्ता र आलोचना व्यक्त गरेका छन्।

पूर्वप्रधानन्यायाधीश चोलेन्द्रशमशेर राणालाई प्रहरीले मध्यरात उठाएको घटनाबारे छलफल गर्न बोलाइएको बैठक झन्डै दुई घन्टा चलेको थियो। बैठकमा धेरैजसो न्यायाधीशले शर्माले नेतृत्व सम्हालेपछि अवस्था बिग्रिएको बताएका थिए।

न्यायाधीशहरूले प्रधानन्यायाधीश शर्मालाई पूर्वप्रधानन्यायाधीश राणासँगको सम्बन्धबारे प्रश्न गरेका थिए। उनीहरूले विशेष अदालतलगायत केही अदालत 'सुपरस्टोर' जस्तै बनेको भन्दै त्यसको कारण खोज्नुपर्ने माग पनि गरेका थिए।

पूर्वप्रधानन्यायाधीश राणालाई प्रहरीले उठाएको विषयमा सरकारले उनलाई पक्राउ नगरी सुरक्षाका लागि उद्धार गरिएको दाबी गर्दै आएको छ।