हिमपातका कारण माथिल्लो मनाङ जाने पर्यटक मनाङमै रोकिए, हिमाली जिल्लामा जनजीवन कष्टकर

बंगालको खाडीमा उत्पन्न अर्नब चक्रवातको प्रभावले हिमाली क्षेत्रमा हिमपात भएको छ। हिमपातका कारण माथिल्लो मनाङका पर्यटकीय गन्तव्यमा जान लागेका पर्यटक मनाङमै रोकिएका छन्।

बिजमाण्डूका अनुसार मनाङमा करिब २०० पर्यटक रोकिएका छन्। हिमपातले बाटो प्रभावित भएपछि उनीहरू अगाडि बढ्न सकेका छैनन्।

भारी हिमपातका कारण मनाङ, मुस्ताङ, डोल्पा, हुम्ला, मुगु, जुम्ला र कालीकोटलगायतका हिमाली जिल्लामा जनजीवन प्रभावित भएको छ। हिमाली क्षेत्रका बासिन्दाको दैनिक जीवन कष्टकर बनेको छ।

यसैबीच बाजुराको बडीमालिकामा हिमपातपछि फसेका दुई जनामध्ये एक जनालाई नेपाली सेनाले हेलिकप्टरबाट उद्धार गरेको छ भने अर्का एक जनाको खोजी जारी छ।