दसैँ बिदाअघि नेप्से लगातार सातौँ दिन उकालो, अब बजार कात्तिक ९ मा खुल्ने

दसैँ बिदाअघिको अन्तिम कारोबार दिन शुक्रबार नेप्से परिसूचक ८.२३ अंकले बढेर २६३४.१७ बिन्दुमा बन्द भएको छ। यससँगै बजार लगातार सातौँ कारोबार दिन उकालो लागेको छ। असोज २२ गतेदेखि हरेक दिन बढेको बजारले सात दिनमा करिब ६२ अंक मात्र थपेको छ।

आज ३४८ कम्पनीका १ करोड ३३ लाख कित्ता सेयर ४ अर्ब ८८ करोड रुपैयाँमा किनबेच भएका छन्। अघिल्लो दिन करिब ४ अर्ब ७० करोड रुपैयाँको कारोबार भएको थियो। आज १७४ कम्पनीको सेयर मूल्य बढेको छ भने ९१ को घटेको छ र १२ कम्पनीको मूल्य स्थिर रहेको छ।

बैंकिङ समूहको सूचक ०.७२ प्रतिशतले बढेको छ। फाइनान्स, लगानी, निर्जीवन बीमा, व्यापार र अन्य समूहबाहेक सबै समूहका सूचक उक्लिएका छन्। चिरख्वा हाइड्रोपावरको सेयर मूल्य १४.८२ प्रतिशत र बेनी हाइड्रोपावरको १२.४६ प्रतिशतले बढेको छ।

सिद्धार्थ बैंकको डिबेन्चर २०८९ को मूल्य भने ५ प्रतिशतभन्दा बढीले घटेको छ। घलेम्दी हाइड्रोको सबैभन्दा धेरै २० करोड ४९ लाख रुपैयाँको कारोबार भएको छ। दसैँ बिदाका कारण सेयर बजार अब कात्तिक ९ गते सोमबार मात्र खुल्नेछ।