पश्चिमी टर्कीको स्टिल कारखानामा विस्फोट, तीन जनाको मृत्यु, १० कामदार बेपत्ता

पश्चिमी टर्कीको एक फलाम तथा स्टिल कारखानामा सोमबार विस्फोट भएको छ। विस्फोट र त्यसपछि लागेको आगोमा परी तीन जनाको मृत्यु भएको छ।

विस्फोट भएको कारखाना इज्मिर प्रान्तको आलियागामा छ। विस्फोटपछि कारखानामा आगलागी भएको थियो।

घटनामा कारखानामा काम गर्ने १० जना कामदार बेपत्ता भएका छन्। बेपत्ता कामदारहरूको खोजी भइरहेको छ।

सोमबार भएको यस घटनामा मृत्यु हुनेको सङ्ख्या तीन पुगेको छ भने बेपत्ता १० जनाको अवस्था अझै खुलेको छैन।