देउवा समूहको महाधिवेशनसम्बन्धी पत्र निर्वाचन आयोगले अभिलेखमा राख्यो

निर्वाचन आयोगले नेपाली कांग्रेसको शेरबहादुर देउवा समूहले महाधिवेशन गर्न लागेको भन्दै पठाएको पत्रलाई अभिलेखमा राखेको छ। देउवा समूहले पार्टीको १५औँ महाधिवेशनका लागि आयोगमा पेस गरेको कार्यतालिका पनि आयोगले अभिलेखमा राखेको हो।

प्रमुख निर्वाचन आयुक्त मानबहादुर कार्कीले उक्त पत्र अभिलेखमा राख्न तोकादेश जारी गरेका हुन्। देउवा समूहका तर्फबाट शेरबहादुर देउवाले बिहीबारदेखि सुरु हुने वडा अधिवेशनदेखि केन्द्रीय महाधिवेशनसम्मको कार्यक्रमबारे आयोगलाई पत्र पठाएका थिए।

देउवा नेतृत्वको १५औँ केन्द्रीय महाधिवेशनको प्रक्रिया अघि बढिरहेका बेला देशभरका ३ हजार १९१ वडामा अधिवेशन सम्पन्न भएको रातोपाटीले जनाएको छ।

नेपाली कांग्रेसको १५औँ महाधिवेशनको प्रक्रिया अघि बढिरहेका बेला आयोगले देउवा समूहको पत्र अभिलेखमा राखेको हो।