गुल्मीमा खेत नजिकै लत्रिएको बिजुलीको तारबाट करेन्ट लागेर एकको मृत्यु

गुल्मीमा करेन्ट लागेर एक जनाको मृत्यु भएको छ। मृत्यु हुनेमा धुर्कोट गाउँपालिका–५ का ऋषिराम भण्डारी रहेका छन्।

जिल्ला प्रहरी कार्यालय गुल्मीका अनुसार स्थानीय सिमलचौरस्थित आफ्नै खेत नजिकै लत्रिएको बिजुलीको तारबाट करेन्ट लागेर उनको मृत्यु भएको हो।

भण्डारी खेतमा पानी लगाउन गएका बेला दुर्घटनामा परेका थिए। लत्रिएको तारको सम्पर्कमा आएपछि करेन्ट लागेर उनको मृत्यु भएको प्रहरीले जनाएको छ।