भोटेकोशी बाढीका शव ओसार्ने ६५ एम्बुलेन्स चालक चितवनमा सम्मानित

भोटेकोशी बाढीले बगाएर चितवन ल्याएका शव ओसार्ने एम्बुलेन्स चालकलाई सम्मान गरिएको छ। यी चालकले नारायणी नदी किनारबाट शव भरतपुर अस्पतालसम्म ल्याएका थिए। परीक्षणपछि शवको व्यवस्थापनका लागि देवघाटसम्म पुर्‍याएका थिए।

कार्यक्रममा ६५ जना चालक सम्मानित भए।

चितवनमा १३५ वटा एम्बुलेन्स सङ्घमा आबद्ध छन्। भोटेकोशी बाढीका सबैभन्दा धेरै शव चितवनमा फेला परेका थिए। यहाँ ३६९ वटा शव भेटिएका थिए।

बाढीपछि लामो समयसम्म शव खोज्ने र व्यवस्थापन गर्ने काम भएको थियो। यही काममा खटिएका चालकलाई सम्मान गरिएको हो।