जाजरकोटमा अटो दुर्घटना, दुई जनाको मृत्यु, तीन घाइते

जाजरकोटमा अटो दुर्घटना हुँदा दुई जनाको मृत्यु भएको छ भने तीन जना घाइते भएका छन्।

मृत्यु हुनेमा नलगाड नगरपालिका–९ का १७ वर्षीय सन्तोष विक र ५५ वर्षीय रमेश विक रहेका प्रहरीले जनाएको छ। घाइते तीन जनाको अवस्था गम्भीर रहेको बताइएको छ।

जाजरकोटका प्रहरी नायब उपरीक्षक (डीएसपी) बुद्धिसागर पुरीका अनुसार असोज ३१ गते बिहान करिब ११:१५ बजे दुर्घटना भएको हो। अटो रुकुम पश्चिमको आठबिसकोट नगरपालिका–११ राडीबाट जाजरकोटको नलगाडतर्फ आउँदै थियो।

भेरी करिडोर सडकखण्डमा भएको दुर्घटनामा अटो करिब ६५ मिटर तल खसेको थियो।