स्क्रिनमा समस्या देखिएपछि एप्पलले फोल्डेबल आईफोन साटिदिने

एप्पलले बिक्री सुरु भएको केही दिनमै भित्री स्क्रिनमा समस्या देखिएका आफ्नो पहिलो फोल्डेबल फोन ‘आईफोन डुओ’ ग्राहकलाई साटिदिने जनाएको छ। करिब २० वर्षपछि आईफोनको डिजाइनमा आएको सबैभन्दा ठूलो परिवर्तनका रूपमा यो फोनलाई हेरिएको छ। गत शुक्रबार ठूलो भीडबीच एप्पल स्टोरहरूमा बिक्रीमा आएको यो फोनको स्क्रिनमा तेर्सो र ठाडो धर्सा तथा पट्याउने भागमा चिरा परेका तस्बिर प्रयोगकर्ताले एक्स र रेडिटमा राखेका छन्।

केही ग्राहकले फोन खोल्दा र बन्द गर्दा चरचर आवाज आउने गुनासो पनि गरेका छन्। एप्पलले सोमबार विज्ञप्ति निकाल्दै निकै थोरै फोनमा यस्तो समस्या देखिएको स्वीकार गरेको छ। एप्पलकेयर वारेन्टीभित्रका प्रभावित ग्राहकलाई नयाँ फोन दिइने कम्पनीले जनाएको छ।

प्रभावित ग्राहकलाई कम्पनीको आधिकारिक ग्राहक सेवामा सम्पर्क गर्न आग्रह गरिएको छ। २५६ जीबी भएको सुरुवाती संस्करणको मूल्य करिब १ हजार ९९९ अमेरिकी डलर र २ टीबी संस्करणको करिब ३ हजार १९९ डलर तोकिएको छ। नेपाली रुपैयाँमा यो फोनको मूल्य करिब तीन लाख रुपैयाँ पर्छ।