नागढुंगा सुरुङमार्ग प्रयोग गर्न कात्तिक १५ देखि शुल्क लाग्ने, कारलाई ६५ रुपैयाँसम्म

नागढुंगा सुरुङमार्ग प्रयोग गर्ने सवारीसाधनबाट कात्तिक १५ गते (नोभेम्बर १) देखि सडक उपभोग दस्तुर उठाइने भएको छ। नागढुंगा सुरुङमार्ग निर्माण आयोजनाले यसबारे जानकारी दिएको हो।

सडक बोर्ड नेपालको कार्यकारी समितिको निर्णयअनुसार सरकारले सुरुङमार्ग प्रयोग गर्ने सवारीसाधनका लागि शुल्क निर्धारण गरेको हो। शुल्क सवारीसाधनको प्रकारका आधारमा फरक-फरक तोकिएको छ।

तोकिएको दरअनुसार सुरुङमार्ग प्रयोग गर्ने कारले ६५ रुपैयाँसम्म शुल्क तिर्नुपर्नेछ। अन्य प्रकारका सवारीसाधनका लागि पनि छुट्टाछुट्टै दर निर्धारण गरिएको छ।

यसअनुसार कात्तिक १५ गतेदेखि नागढुंगा सुरुङमार्ग हुँदै आवतजावत गर्ने सवारीसाधनले तोकिएको सडक उपभोग दस्तुर बुझाउनुपर्नेछ।