त्रिभुवन विमानस्थलमा लगेज सुरक्षामा कडाइ गरिएको छ। चोरी र क्षति न्यूनीकरण गर्न नियम ल्याइएको हो। कर्मचारीलाई पकेटविहीन पोसाक अनिवार्य गरिएको छ।

त्रिभुवन अन्तर्राष्ट्रिय विमानस्थलमा यात्रुको लगेज तथा व्यक्तिगत सामानको सुरक्षामा थप कडाइ गरिएको छ। नेपाल प्रहरीको विमानस्थल सुरक्षा कार्यालयले सामान चोरी, हराउने र क्षति हुने घटना न्यूनीकरण गर्न नयाँ नियम लागू गरेको छ। जहाज र यात्रुको सामानसँग प्रत्यक्ष सम्पर्कमा आउने लोडर तथा क्लिनरलाई गोजी नभएको पोसाक अनिवार्य गरिएको छ।

सामान चोरी तथा हराउने कार्य रोक्न फिल्ड अधिकृतको कमाण्डमा दैनिक चेकजाँच र आकस्मिक निरीक्षणको व्यवस्था मिलाइएको छ। नेपाल लाइभका अनुसार ह्याण्ड क्यारीमा करिब १०० ग्रामभन्दा बढी झोल पदार्थ लैजान पूर्ण रूपमा रोक लगाइएको छ। धारिलो वस्तु, ग्यासरलाइटर, फुलको बिरुवा तथा हरियो तरकारी लैजान पनि मनाही गरिएको छ।