अमेरिका जानुअघि प्रधानमन्त्री र प्रधानसेनापतिबीच भेटवार्ता

प्रधानमन्त्री वालेन्द्र शाहले संयुक्त राष्ट्रसंघको ८१औँ महासभामा भाग लिन अमेरिका जानुअघि प्रधानसेनापति अशोकराज सिग्देलसँग भेटवार्ता गर्नुभएको छ। नेपाली सेनाका प्रवक्ता सहायक रथी राजाराम बस्नेतले भेटको पुष्टि गर्नुभएको छ। प्रवक्ता बस्नेतका अनुसार प्रधानसेनापति सिग्देल हालै चीनको औपचारिक भ्रमणबाट फर्कनुभएको छ र त्यस क्रममा भएका गतिविधि तथा भेटघाटबारे प्रधानमन्त्रीलाई जानकारी गराउन भेट भएको हो।

प्रधानमन्त्री शाहसँग रक्षा मन्त्रालयको जिम्मेवारी पनि भएकाले सरकार प्रमुख र सेना प्रमुखबीच यस्तो भेट समय–समयमा भइरहने उहाँको भनाइ छ। प्रवक्ता बस्नेतले यो भेटलाई प्रधानमन्त्रीको अमेरिका भ्रमण वा महासभा सहभागितासँग जोडेर विशेष अर्थ लगाउन नहुने स्पष्ट पार्नुभएको छ।