बाढीले मालढुङ्गा पुलको पहुँचमार्ग बगाएपछि बागलुङमा १२ दिनदेखि सिधा यातायात ठप्प

बागलुङ प्रवेश गर्ने मुख्य नाका मालढुङ्गा पुलको पहुँचमार्ग बाढीले बगाएपछि १२ दिनदेखि सिधा यातायात ठप्प भएको छ।

पुलको पहुँचमार्ग क्षतिग्रस्त हुँदा जिल्लाको पर्यटन र व्यापारमा असर परेको छ। पछिल्ला केही वर्षयता चाडबाडको समयमा बागलुङका विभिन्न गन्तव्यमा पर्यटक भरिभराउ हुने गरेका थिए।

चाडबाडका बेला पर्यटकको आगमनसँगै जिल्लामा आर्थिक गतिविधि बढ्ने र रोजगारी विस्तार हुने गरेको थियो। यस वर्ष पनि त्यस्तै अपेक्षा गरिएको भए पनि मुख्य नाकाको पुलमा पुगेको क्षतिका कारण यातायात अवरुद्ध हुँदा पर्यटन र व्यापार प्रभावित भएको छ।

दसैँ नजिकिँदै गर्दा मुख्य प्रवेशमार्गमा सिधा यातायात सञ्चालन हुन नसकेको अवस्था छ।