बाढी प्रभावित क्षेत्रको पुनर्निर्माणका लागि बागमती सरकारले गैरप्राथमिक आयोजनाको बजेट कटौती गर्ने

बागमती प्रदेश सरकारले बाढी प्रभावित क्षेत्रको पुनर्निर्माणका लागि बजेट कटौती गर्ने निर्णय गरेको छ।

बिहीबार बसेको प्रदेश सरकारको मन्त्रिपरिषद् बैठकले विपद्‌बाट भएको क्षतिको पुनर्निर्माणलाई ध्यानमा राख्दै यो निर्णय गरेको हो।

प्रदेश सरकारले विपद् प्रभावित क्षेत्रको पुनःस्थापना तथा पुनर्निर्माणलाई प्राथमिकता दिँदै गैरप्राथमिक आयोजनाको बजेट कटौती गर्ने तयारी गरेको हो। यसरी कटौती गरिएको बजेट बाढी प्रभावित क्षेत्रको पुनर्निर्माणमा लगाइनेछ।

पछिल्लो समय आएको बाढी र विपद्‌बाट प्रदेशका विभिन्न क्षेत्रमा क्षति पुगेको थियो।