मकवानपुरको बकैयामा जमिन चिरा परेपछि १६ घरपरिवार सुरक्षित स्थानमा सारिए

मकवानपुरको बकैया गाउँपालिका–६ तल्लो ज्यामिरेस्थित गरगरे बस्तीमा पहिरोको जोखिम बढेपछि करिब १५/१६ घरपरिवारलाई सुरक्षित स्थानमा सारिएको छ।

बस्तीमा एकाएक जमिन भासिएको र चिराचिरा परेको छ। प्रहरीका अनुसार भिरालो सतहमा रहेको बस्तीमा जमिन चिरा परेपछि एक दर्जनभन्दा बढी घरपरिवारलाई सुरक्षित स्थानमा सारिएको हो।

जमिन भासिएपछि बस्ती नै सार्नुपरेको हो। पछिल्ला दिनमा देशभर भएको अविरल वर्षापछि विभिन्न स्थानमा पहिरोको जोखिम बढेको छ।