प्रधानमन्त्री शाह: देश जोगाउने र पार्टी जोगाउनेबीच फरक हुन्छ

प्रधानमन्त्री वालेन्द्र (बालेन) शाहले देश जोगाउने र पार्टी जोगाउनेहरूबीच फरक हुने बताएका छन्। बिहीबार राति सामाजिक सञ्जाल फेसबुकमा स्ट्याटस लेख्दै उनले यस्तो धारणा सार्वजनिक गरेका हुन्।

नागरिक दैनिकका अनुसार प्रधानमन्त्री शाहले स्ट्याटसमार्फत पुराना राजनीतिक दललाई लक्षित गरेका छन्। उनले कार्यकर्ता लडाएर हाँस्नेहरूले देश जोगाउँछन् कि पार्टी भन्ने प्रश्न उठाएका छन्।

रातोपाटीका अनुसार प्रहरी महानिरीक्षक (आईजीपी) हटाउने सरकारको निर्णयबारे राष्ट्रिय स्वतन्त्र पार्टी (रास्वपा) का सभापति रवि लामिछानेले प्रश्न उठाएपछि प्रधानमन्त्री शाहको यो प्रतिक्रिया आएको हो।

सरकारले आईजीपी दानबहादुर कार्कीलाई हटाएर मनोजकुमार केसीलाई नियुक्त गरेको छ। यस विषयमा विभिन्न दलबाट प्रतिक्रिया आइरहेका बेला प्रधानमन्त्रीले सामाजिक सञ्जालमार्फत आफ्नो धारणा सार्वजनिक गरेका हुन्।