आइपियु महासभामा जलवायुजन्य विपद्सम्बन्धी नेपालको आपत्कालीन प्रस्ताव दुई तिहाइले स्वीकृत

अन्तरसंसदीय संघ (आइपियु) को १५३औँ महासभामा नेपालले पेस गरेको आपत्कालीन प्रस्ताव दुई तिहाइ बहुमतले स्वीकृत भएको छ। यो महासभा तान्जानियाको अरुसामा भइरहेको छ।

नेपालले जलवायुजन्य विपद्सम्बन्धी आपत्कालीन प्रस्ताव महासभामा पेस गरेको थियो। महासभामा उक्त प्रस्ताव दुई तिहाइ बहुमतसहित चयन भएको हो।

आइपियु विभिन्न देशका संसद्हरूको अन्तर्राष्ट्रिय संस्था हो। यसको महासभामा सदस्य राष्ट्रका संसदीय प्रतिनिधिहरू सहभागी हुन्छन्।

नेपालले जलवायुजन्य विपद्को विषय यस्तो बेला उठाएको हो, जब देशमा मनसुनजन्य बाढी र पहिरोबाट ठूलो क्षति भइरहेको छ।