पूर्वप्रधानन्यायाधीश चोलेन्द्रशमशेर जबरा महाराजगञ्जस्थित निवासबाट पक्राउ

पूर्वप्रधानन्यायाधीश चोलेन्द्रशमशेर जबरा पक्राउ परेका छन्। उनलाई गएराति काठमाडौँको महाराजगञ्जस्थित उनकै निवासबाट पक्राउ गरिएको हो।

काठमाडौँ उपत्यका अपराध अनुसन्धान कार्यालय, टेकुको टोलीले जबरालाई पक्राउ गरेको स्रोतले पुष्टि गरेको छ। प्रहरी उच्च स्रोतले पनि उनलाई निवासबाटै पक्राउ गरिएको पुष्टि गरेको छ। राजधानी दैनिकका अनुसार उनलाई आइतबार बिहान करिब ३ बजे पक्राउ गरिएको हो।

उनलाई के कसुरमा पक्राउ गरिएको हो भन्ने विषय भने तत्काल खुलेको छैन। प्रहरीले पक्राउको कारणबारे आधिकारिक जानकारी सार्वजनिक गरिसकेको छैन।

जबरा नेपालको न्यायपालिकाको प्रमुखको पदमा रहिसकेका व्यक्ति हुन्। उनको पक्राउसम्बन्धी थप विवरण आउन बाँकी छ।