मोरङको सुन्दरहरैंचाबाट २४ जना दक्षिण कोरियाली नागरिक पक्राउ

मोरङको सुन्दरहरैंचा नगरपालिका–७, मालती मार्गस्थित क्रिश्चियन शैक्षिक संस्था 'नेपाल न्यू कोभेनन्ट कलेज'बाट २४ जना दक्षिण कोरियाली नागरिक पक्राउ परेका छन्। उनीहरू शुक्रबार दिउँसो पक्राउ परेका हुन्।

पक्राउ परेकाहरूमाथि पर्यटक भिसामा आएर धर्म प्रचार गरेको आरोप छ। उनीहरूको धार्मिक गतिविधिबारे अनुसन्धान भइरहेको छ।

पक्राउ परेका दक्षिण कोरियाली नागरिक असोज २० र २१ गते काठमाडौं हुँदै विराटनगर आएका थिए। उनीहरू अक्टोबर १२ सम्म मोरङमै बस्ने कार्यतालिका थियो।