मोदीको सार्वजनिक जीवनको २५ वर्ष: प्रधानमन्त्री शाह र सभापति लामिछानेको बधाई

प्रधानमन्त्री वालेन्द्र शाहले सार्वजनिक जीवनको २५ वर्ष पूरा गरेका भारतका प्रधानमन्त्री नरेन्द्र मोदीलाई बधाई तथा शुभकामना दिनुभएको छ। मोदी सन् २००१ को अक्टोबरमा पहिलोपटक गुजरात राज्यको मुख्यमन्त्री बन्नुभएको थियो। त्यहीँबाट सुरु भएको सार्वजनिक यात्राको २५औँ वर्षगाँठ उहाँले यतिबेला मनाइरहनुभएको छ।

प्रधानमन्त्री शाहले सामाजिक सञ्जाल एक्समा राखेको सन्देशमा मोदीको २५ वर्षे समर्पित सार्वजनिक सेवाका लागि हार्दिक बधाई दिनुभएको छ। नेपालले आगामी दिनमा पनि मोदी र उहाँको सरकारको निरन्तर सफलता र समृद्धिको कामना गरेको सन्देशमा उल्लेख छ। राष्ट्रिय स्वतन्त्र पार्टीका सभापति रवि लामिछानेले पनि एक्समार्फत नै मोदीलाई बधाई र शुभकामना पठाउनुभएको छ।

लामिछानेले मोदीको २५ वर्षे सार्वजनिक सेवालाई उल्लेखनीय यात्राका रूपमा चित्रण गर्नुभएको छ।