बिर्तामोडको सुधार केन्द्रमा इलामका नरबहादुर बस्नेतको मृत्यु, परिवारले प्रहरीमा उजुरी दिए

झापाको बिर्तामोड नगरपालिका–१ स्थित ‘शान्ति समूह नेपाल सुधार केन्द्र’मा उपचाररत एक व्यक्तिको शंकास्पद मृत्यु भएको छ। मृत्यु हुनेमा इलामका नरबहादुर बस्नेत रहेका छन्।

बस्नेत सुधार केन्द्रमा उपचारका लागि राखिएका थिए। उनको मृत्यु यातनाका क्रममा भएको भन्दै परिवारले प्रहरीमा उजुरी दिएको छ।

देशसञ्चारका अनुसार सुधार केन्द्रमा यातना दिइएको सीसीटीभी फुटेज भेटिएपछि घटनामा संलग्नमाथि कारबाहीको माग उठेको छ।

परिवारको उजुरीपछि प्रहरीले घटनाबारे थप अनुसन्धान गर्नुपर्ने अवस्था छ।