बाढीपहिरोबाट पर्वतको जलजला गाउँपालिकाका तीन सयभन्दा बढी घरपरिवार प्रभावित

पछिल्लो मनसुनजन्य विपद्‌बाट पर्वतको जलजला गाउँपालिकामा तीन सयभन्दा बढी घरपरिवार प्रभावित भएका छन्।

जलजला गाउँपालिका म्याग्दीको सदरमुकाम बेनी बजारसँगै रहेको पर्वत जिल्लाको गाउँपालिका हो। गत असोज ८ देखि ११ गतेसम्म परेको झरीपछि आएको बाढीपहिरोबाट गाउँपालिकाका ३०० भन्दा बढी घरपरिवार प्रभावित भएका हुन्।

झरी रोकिएको केही दिन बितिसक्दा पनि विपद्‌बाट प्रभावित घरपरिवारको संख्या तीन सय नाघेको छ। बेनी बजारसँग जोडिएको यस क्षेत्रमा असोज ८ देखि ११ गतेसम्मको वर्षाले बढी असर पारेको देखिएको छ।

दसैँको समयमा पनि ती घरपरिवार विपद्‌को असर झेलिरहेका छन्।