बनेपामा ग्यास बुलेटले मोटरसाइकललाई ठक्कर दिँदा ९ वर्षीय बालकको मृत्यु, बुबाआमा घाइते

काभ्रेपलाञ्चोकको बनेपामा ग्यास बुलेटले मोटरसाइकललाई ठक्कर दिँदा ९ वर्षीय बालकको मृत्यु भएको छ। दुर्घटनामा उनका बुबा र आमा घाइते भएका छन्।

दुर्घटना बनेपा नगरपालिका–१३ मा आज शनिबार बिहान भएको हो। काठमाडौँबाट बनेपातर्फ जाँदै गरेको भारतीय नम्बर प्लेटको ग्यास बुलेटले मोटरसाइकललाई ठक्कर दिएको थियो।

ठक्करबाट मोटरसाइकलमा सवार तीन जनामध्ये ९ वर्षीय बालकको मृत्यु भएको हो भने अन्य दुई जना घाइते भएका छन्। घाइते दुवै जना मृतक बालकका बुबा र आमा हुन्।

दसैँको समयमा सडकमा सवारी चाप बढेका बेला यो दुर्घटना भएको हो।