सेती नदीमा निर्माणाधीन दुई पक्की पुलको ७० प्रतिशत काम सकियो, फागुन २१ भित्र सक्ने लक्ष्य

कास्कीमा सेती नदीमाथि निर्माणाधीन दुईवटा पक्की पुलको ७० प्रतिशत काम पूरा भएको छ। पुल निर्माण अन्तिम चरणमा पुगेको छ।

दुवै पुल आगामी फागुन २१ गतेभित्र सम्पन्न गर्ने लक्ष्य राखिएको छ। सोही लक्ष्यअनुसार अहिले निर्माण काम तीव्र रूपमा भइरहेको छ।

पुलहरू मुग्लिन–पोखरा सडक आयोजनाअन्तर्गत निर्माण भइरहेका हुन्। बाँकी ३० प्रतिशत काम तोकिएको समयभित्र सक्ने गरी काम भइरहेको छ।

दुवै पुल सम्पन्न भएपछि सेती नदी वारपार गर्ने सवारी आवागमन सहज हुने अपेक्षा गरिएको छ।