टेलिकमको टावरमा समस्या, हुम्ला र मुगुका चार स्थानीय तह सञ्चारविहीन

नेपाल टेलिकमको टावरमा समस्या आएपछि हुम्ला र मुगुका चार स्थानीय तह सञ्चारविहीन बनेका छन्। टेलिकमको रिले टावरमा समस्या आएपछि यी स्थानीय तहका सेवाग्राहीले सास्ती खेप्नुपरेको हो।

सञ्चार अवरुद्ध भएका स्थानीय तहमा हुम्लाका चंखेली, सर्केगाड र अदानचुली गाउँपालिका तथा मुगुको सोरु गाउँपालिका रहेका छन्।

टावरमा आएको समस्याका कारण यी चार स्थानीय तहका सेवाग्राहीले दूरसञ्चार सेवा उपयोग गर्न नपाउँदा कठिनाइ भोगिरहेका छन्।

कर्णाली प्रदेशका हिमाली जिल्ला हुम्ला र मुगुका यी गाउँपालिकाका बासिन्दा सञ्चार सेवाका लागि नेपाल टेलिकमको सेवामा निर्भर रहँदै आएका छन्।