बझाङको केदारस्युँमा जिप दुर्घटना, दुई जनाको मृत्यु

बझाङको केदारस्युँ गाउँपालिका–७ मा आज बिहान जिप दुर्घटना हुँदा दुई जनाको मृत्यु भएको प्रारम्भिक जानकारी प्राप्त भएको छ।

दुर्घटना केदारस्युँ–७ स्थित भानचौर नजिकै बिहान ९ बजेर १० मिनेटमा भएको हो। प्रहरीले पनि उक्त स्थानमा जिप दुर्घटना भएको जनाएको छ।

जिल्ला प्रहरी कार्यालय र स्थानीय प्रहरीको टोली घटनास्थलतर्फ गएको छ। मृतकको पहिचान, घाइतेको संख्या र दुर्घटनाको कारणबारे विस्तृत विवरण अझै सार्वजनिक भइसकेको छैन।