नेपाल–रुस द्विपक्षीय परामर्श संयन्त्रको तेस्रो बैठक आज काठमाडौंमा

नेपाल र रुसबीचको द्विपक्षीय परामर्श संयन्त्रको तेस्रो बैठक आज बुधबार काठमाडौंमा बस्दैछ।

दुई देशले कूटनीतिक सम्बन्ध स्थापना भएको ७०औँ वर्ष मनाइरहेका बेला यो बैठक हुन लागेको हो। बैठकमा नेपाल र रुसबीचको द्विपक्षीय सम्बन्धसँग जोडिएका विषयमा छलफल हुने बताइएको छ।

संयन्त्रको पहिलो बैठक सन् २००७ मा रुसको राजधानी मस्कोमा बसेको थियो। दोस्रो बैठक सन् २०१८ अप्रिल १७ मा काठमाडौंमा भएको थियो।

दोस्रो बैठक भएको करिब साढे आठ वर्षपछि दुई देशबीच यो संयन्त्रको बैठक बस्न लागेको हो।