बाढी पहिरो प्रभावित म्याग्दीलाई विपद् सङ्कटग्रस्त जिल्ला घोषणा गर्न सिफारिस

बाढी पहिरोबाट प्रभावित म्याग्दी जिल्लालाई विपद् सङ्कटग्रस्त जिल्ला घोषणा गर्न सिफारिस गरिएको छ।

जिल्ला विपद् व्यवस्थापन समितिको मङ्गलबार बसेको बैठकले जिल्लालाई विपद् सङ्कटग्रस्त घोषणा गर्न सिफारिस गरेको हो। यही असोज ८ देखि ११ गतेसम्म परेको निरन्तरको झरीपछि आएको बाढी पहिरोले जिल्ला प्रभावित भएको छ।

बाढी पहिरोपछि सदरमुकाम बेनीमा खानेपानीको समस्या देखिएको छ।

जिल्ला विपद् व्यवस्थापन समितिले प्रभावित क्षेत्रको अवस्थालाई ध्यानमा राखेर यो सिफारिस गरेको हो। अब यस सिफारिसबारे सम्बन्धित निकायले निर्णय गर्नेछ।