म्याग्दीमा बाढीपहिरोबाट ६ जनाको मृत्यु, ३ जना बेपत्ता

म्याग्दीमा अविरल वर्षाका कारण आएको बाढी तथा पहिरोमा परी ६ जनाको मृत्यु भएको छ भने ३ जना बेपत्ता भएका छन्।

जिल्ला प्रशासन कार्यालय म्याग्दीको आइतबार साँझ ६ बजेसम्मको विवरणअनुसार अन्नपूर्ण गाउँपालिकामा चार जना र मालिका गाउँपालिकामा दुई जनाको शव भेटिएको छ।

तीन दिनदेखिको निरन्तर भारी वर्षापछि गण्डकी प्रदेशभर बाढी र पहिरोमा परी कम्तीमा १४ जनाको मृत्यु भएको छ भने सयौँ मानिस प्रभावित भएका छन्।

कालीगण्डकी नदीमा आइतबार आएको बाढीका कारण पर्वत, बागलुङ, म्याग्दी र मुस्ताङलाई राष्ट्रिय सडक सञ्जालमा जोड्ने मध्यपहाडी लोकमार्ग पनि ठाउँठाउँमा अवरुद्ध भएको छ।