अविरल वर्षाले हुम्लाका मुख्य तथा ग्रामीण सडक अवरुद्ध, सिमकोट–हिल्सा सडक पनि बन्द

हुम्लामा अविरल वर्षापछि आएको बाढी, पहिरो र ढुङ्गा खसेका कारण मुख्य तथा ग्रामीण सडकमा यातायात पूर्ण रूपमा अवरुद्ध भएको छ।

चीनसँगको सीमा जोड्ने सिमकोट–हिल्सा सडक, कर्णाली करिडोर तथा जिल्लाका ग्रामीण सडकहरूमा यातायात अवरुद्ध भएको हो।

सडक अवरुद्ध हुँदा खाद्यान्न ढुवानीदेखि अत्यावश्यक सेवासम्म प्रभावित भएका छन्।

बाढी, पहिरो र ढुङ्गा खसेर अवरुद्ध भएका सडकका कारण जिल्लामा सामान ढुवानी तथा आवतजावत प्रभावित भएको हो।