बागलुङमा दुई दिनमा पहिरोबाट १० जनाको मृत्यु, एक बेपत्ता

बागलुङमा अविरल वर्षापछि आएको पहिरोमा परी १० जनाको मृत्यु भएको छ भने एक जना बेपत्ता भएका छन्।

वर्षाका कारण पछिल्लो दुई दिनमा जिल्लामा पहिरोले ठूलो मानवीय क्षति पुर्‍याएको हो। यसअघि तमानखोला र निसीखोला गाउँपालिकामा पहिरोले घर पुरिँदा पाँच जनाको मृत्यु भएको थियो।

यस्तै, तनहुँमा पनि वर्षाका कारण २४ घरमा क्षति पुगेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार असोज ८ गतेदेखि लगातार भइरहेको वर्षाका कारण देशभर बाढी, पहिरो र डुबानका घटनामा २१ जनाको मृत्यु भएको छ भने ५ जना बेपत्ता र ५ जना घाइते भएका छन्।