मतदाता सूचीविरुद्ध प्रदर्शन हुनुअघि नयाँदिल्लीमा २० हजारभन्दा बढी सुरक्षाकर्मी तैनाथ

भारतको राजधानी नयाँदिल्लीमा शनिबार प्रदर्शन हुँदैछ। त्यसअघि त्यहाँ २० हजारभन्दा बढी प्रहरी तथा अर्धसैनिक सुरक्षाकर्मी तैनाथ गरिएका छन्।

प्रदर्शनकारीले मतदाता सूचीमा अनियमितता भएको आरोप लगाएका छन्। उनीहरूले निर्वाचन आयोगका प्रमुखलाई पदबाट हटाउन माग गर्दै प्रदर्शनको तयारी गरेका हुन्।

भारतको निर्वाचन आयोगले मतदाता सूचीको ‘विशेष गहन पुनरावलोकन’ प्रक्रिया अघि बढाएपछि यसै महिना विरोध प्रदर्शन चर्किएको हो।

प्रदर्शनलाई ध्यानमा राखेर राजधानीमा सुरक्षा व्यवस्था कडा पारिएको छ।