चार नदी चेतावनी तहमाथि, कास्कीको मार्दीखोला पनि सतर्कता तह पार

बाढी पूर्वानुमान महाशाखाका अनुसार कास्कीको लाहाचोकमा मार्दी खोलाले सतर्कता तह पार गरेको छ। नुवाकोटको धुन्चेमा त्रिशूली, काभ्रेपलाञ्चोकको पनौतीमा रोशी खोला, धनकुटाको त्रिवेणीमा तमोर र सुनसरीको चतरामा सप्तकोशीको सतह चेतावनी तह आसपास वा माथि पुगेको छ। त्रिशूली र मार्दीको सतह अझै बढिरहेको छ। रोशी खोला साढे ४ मिटरको खतरा तहनजिक पुगेको छ। मार्दी आसपासका तटीय र डुबान क्षेत्रका बासिन्दालाई शनिबार बिहानसम्म सतर्क रहन आग्रह गरिएको छ।