कांग्रेस महाधिवेशन: नयाँ नेतृत्व छान्न आज मतदान, सभापतिमा गगन र श्यामकृष्णबीच प्रतिस्पर्धा

नेपाली कांग्रेसको १५औँ महाधिवेशनअन्तर्गत नयाँ केन्द्रीय कार्यसमिति चयनका लागि आज बिहीबार मतदान हुँदैछ। महाधिवेशनको पाँचौँ दिन हुने मतदान केन्द्रीय निर्वाचन समितिका अनुसार बिहान १० बजेदेखि साँझ ६ बजेसम्म चल्नेछ।

उम्मेदवारको अन्तिम नामावलीअनुसार सभापति पदमा गगन थापा र श्यामकृष्ण खड्गीबीच प्रतिस्पर्धा हुने भएको छ। उपसभापति पदमा उद्योगपति विनोद चौधरी र इन्जिनियर रञ्जित कर्ण उम्मेदवार छन्।

केन्द्रीय सदस्यका विभिन्न क्लस्टरमा पनि देशभरबाट उम्मेदवारी परेको छ। उदयपुरबाट मात्र भूगोल, खुला युवा, महिला, आदिवासी जनजाति, मुस्लिम, थारु, सीमान्तकृत र पेशागत विषय विज्ञ क्लस्टरतर्फ आठ जनाले उम्मेदवारी दिएका छन्। नेपाल पत्रकार महासंघ र नेपाल प्रेस युनियनमा विभिन्न जिम्मेवारी सम्हालिसकेका केही पत्रकार पनि केन्द्रीय नेतृत्वका लागि उम्मेदवार बनेका छन्।

महाधिवेशनको चौथो दिन बुधबार बन्द सत्रले प्रतिवेदनहरू पारित गरेको थियो।