कर्णालीका मुख्यमन्त्री शाहीको सम्पत्ति विवरण सार्वजनिक: १० तोला सुन, बैंकमा २ लाख, १८ लाख ऋण

कर्णाली प्रदेशका मुख्यमन्त्री मंगलबहादुर शाहीले पदभार ग्रहण गरेको ६३ दिनपछि आफ्नो सम्पत्ति विवरण सार्वजनिक गरेका छन्।

सार्वजनिक विवरणअनुसार मुख्यमन्त्री शाहीको परिवारसँग १० तोला सुन र १० तोला चाँदी छ। बैंकमा २ लाख रुपैयाँ बचत रहेको विवरणमा उल्लेख छ।

मुख्यमन्त्री शाहीको नाममा १८ लाख रुपैयाँ ऋण रहेको पनि विवरणमा उल्लेख छ। यसका साथै उनको परिवारसँग ७ वटा गाईगोरु रहेको विवरणमा देखाइएको छ।

मुख्यमन्त्री शाहीले पदभार ग्रहण गरेको झन्डै दुई महिनापछि यो विवरण सार्वजनिक गरेका हुन्।