बेनी–जोमसोम सडक मर्मत भएपछि म्याग्दीका पर्यटकीय स्थलमा पर्यटक बढे

बडादसैँलगत्तै म्याग्दीका पर्यटकीय स्थलमा पर्यटक बढ्न थालेका छन्। मौसम राम्रो भएको र मुस्ताङ जोड्ने बेनी–जोमसोम सडक मर्मत भएपछि चाडपर्वको बिदा मनाउन आउने पर्यटक बढेका हुन्।

विपद्‌पछि बन्द भएको बेनी–जोमसोम सडक मर्मत भएर खुलेपछि पुनहिल, तातोपानी र अन्नपूर्ण आधार शिविरतर्फ जाने पर्यटक बढेका छन्।

सडक खुलेर पर्यटक आउन थालेपछि स्थानीय पर्यटन व्यवसायी उत्साहित भएका छन्। दसैँको बिदामा घुम्न निस्किएका आन्तरिक पर्यटकले पर्यटकीय स्थलमा चहलपहल बढाएका छन्।

तपाईं यो बिदामा म्याग्दी वा मुस्ताङ जाँदै हुनुहुन्छ भने बाटो सुरु गर्नुअघि सडकको पछिल्लो अवस्था बुझेर मात्र हिँड्नुहोला।