सरकारले सिफारिस गरेका दुई अध्यादेश एक सातादेखि राष्ट्रपति कार्यालयमा

सरकारले सिफारिस गरेका दुईवटा अध्यादेश राष्ट्रपति कार्यालयमा पुगेका छन्। गत कात्तिक १७ गते बसेको मन्त्रिपरिषद् बैठकले दुईवटा अध्यादेश जारी गर्ने निर्णय गरेपछि ती अध्यादेश स्वीकृतिका लागि राष्ट्रपति कार्यालय पठाइएका हुन्।

मन्त्रिपरिषद्को निर्णयपछि राष्ट्रपति कार्यालय पुगेका ती अध्यादेशको अध्ययन भइरहेको छ। राष्ट्रपतिले करिब एक सातादेखि दुवै अध्यादेशको अध्ययन गरिरहेका छन्।

सरकारको सिफारिसमा राष्ट्रपतिबाट अध्यादेश जारी हुने व्यवस्था छ। सिफारिस गरिएका दुवै अध्यादेश हालसम्म जारी भइसकेका छैनन्।