चार महिना सकिन लाग्दा पुँजीगत खर्च साढे ७ प्रतिशत मात्र, चालु खर्च २७ प्रतिशत नाघ्यो

चालु आर्थिक वर्ष २०८३/८४ को पहिलो चौमासिक सकिन लाग्दासम्म सरकारको विकास अर्थात् पुँजीगत खर्चको गति सुस्त देखिएको छ। कात्तिक २२ गतेसम्म सरकारले पुँजीगत शीर्षकमा विनियोजित बजेटको साढे ७ प्रतिशत मात्र खर्च गरेको छ।

सोही अवधिमा चालु शीर्षकतर्फको खर्च भने २७ प्रतिशत नाघेको छ। महालेखा नियन्त्रक कार्यालयको दैनिक प्रतिवेदनअनुसार पहिलो चार महिना सकिन लाग्दा सरकारको बजेट खर्च अघिल्लो आर्थिक वर्षको सोही अवधिको तुलनामा सामान्य बढेको छ।

खर्चको यस्तो अवस्थाका बीच राजस्व संकलनमा भने सुधार देखिएको छ।