भोटेकोशीको कटानले रसुवाको हाकुबेँसी जोखिममा, १५६ परिवारले बस्ती सार्न माग

रसुवाको आमाछोदिङमो गाउँपालिका–१ स्थित हाकुबेँसी गाउँका १५६ परिवारले आफ्नो बस्ती सुरक्षित स्थानमा सार्न माग गरेका छन्। भोटेकोशी नदीको कटान र पहिरोले गाउँ जोखिममा परेपछि उनीहरूले यस्तो माग गरेका हुन्।

भोटेकोशी नदीमा गत भदौ १० मा भीषण बाढी आएको थियो। बाढी आएको साढे दुई महिना बितिसक्दा पनि हाकुबेँसी क्षेत्रमा नदीले गर्ने कटान र पहिरोको जोखिम टरेको छैन।

कटान र पहिरोको खतरा कायमै रहेकाले हाकुबेँसीका बासिन्दाले बस्ती नै अन्यत्र सार्नुपर्ने माग गरेका छन्। गाउँका १५६ परिवार यो जोखिमको प्रत्यक्ष चपेटामा छन्।

भोटेकोशीको बाढी र त्यसपछिको कटानका कारण नदी किनारको यो बस्ती अझै असुरक्षित अवस्थामा रहेको स्थानीयको भनाइ छ। उनीहरूले बस्तीलाई सुरक्षित ठाउँमा स्थानान्तरण गर्न माग राखेका छन्।